Thailand Palik In Kawlram Mi Fala A Pawngsual

Thailand palik bawi in Kawlram mi fala a pawngsual ruangah an thuhla cu an buaipi rero lai. Kawlram mi fala cu kum 21 mi a si ih September 17 sun ah an khua Kawlram, Kawthoung ah a tlung.

Ritheihsii ruangah an rak kai ih kum 2 le thla 9 sung thawng a tla, January 13 sun ah an suah zalen ih Kawlram ah an kuat tum, cutin Thailand ramdang mi pawl buaipitu in palik sakhan ah an ret lawk ih cutawk ih palik bawi in zan laiah a kosuak ih a pawngsual.

January 18 sun ah Thailand mipi humhimtu, ramdang mi pawl buaipitu le Thailang ramsung ih um Myanmar mi hruaitu pawl cu an tongaw khawm ih thulrel tlangnak an nei.

Kawlram mi fala khal cutawk palik sakhan ihsin hmunhimnak ah an va ret. Thailand palik bawi khal mi pawngsual thubuai an orhter, tu’ahcun camkhat sung baht ting 4 in an suah zalen lawk ih a thuhla cu buaipi vivo ding a si. Bangkok ih Burmese embassy pawlin an rak buaipi vivo ding.

Thailand ramsung ih mibawmtu Kawlram mi U Htet Wai Phyo in, “Ziangkim kan zingzoi hnuah fala te cu an khua Kawthoung ah a tlung, miruntu pawlkom hnenah aum lai. Ka tlung duh a ti ruangah į¹­uanvo neitu pawlin an kuat tlung, mi pawngsualtu khal taza kan cuai thei” a ti.

Be the first to comment

Leave a Reply

Your email address will not be published.


*