Thailand Putar Kaihrem Ih Thattu Kawlram Mi (2) An Kai

Thailand putar kum 81 mi Thanu kaihrem ih thattu Kawlram mi 2 an kaih thu Bangkok Post thuthang sungah an tarlang. Mithi Thanu cu Thailand ramkhel hminthang pahnih ih hringtu pa a si.

Rubber hmuan sungih a inn ah aum ih Kawlram mi hnaŠĻ≠uantu pawl thawn kum 20 lenglo an rak umtlang zo. July 9 sun ah a fapa in a hloh thu palik sakhan ah a sim thei. Vengsung mipi pawlin zo ti theih lo mi pakhat in bike in a phursuak lai an hmuh thu an rel.

Zanlam nazi 6.30pm ah a tupa in cakuat a dawng ih Thanu cu kaihrem a si, sumpai 8 million baht in tlensuak uh an ti. A zan ihsin Thanu cu an hawl thok ih a thaizing ah thicia in an hmu. Tlawngkai nikhat zinglam ah Kawlram mi pahnih Zaw Myo, (kum 23) le Khin Maung Zaw (kum 36) cu an kai ih mi kaihrem thubuai, tualthat thubuai le mi kaihrem ih sumpai dil thubuai pawl an orhter.

Thailand palik pawlin thu an suhnak ah, “A lu ah thing in an vuak ih a thi. A ke an tawnbet hnuah tikhur sia sungih an hlon thu an phuang aw. Thanu ih ruak cu an va hmu ih a taksa parah vuakvelhnak hliamhma khal aum.

Be the first to comment

Leave a Reply

Your email address will not be published.


*