Thailand Ralkap Cu Beer Le Durian A Ei Hnuah A Thi

Thailand ralkap kum 23 mi Surya cu beer le durian a ei hnu nazi 2 hrawngah thawsam in a thi. Chiang Mai ih um an si ih May 5 sun ah a nupi thawn bazar an kai, a nupi hnenah durian a ei cak thu a sim ih a nupi in a leih.

Beer lang hnih an lei ih inn an tlung, zan nazi 8:00 hrawngah durian pahnih le beer lang khat a in. Zan nazi 9 hrawngah ‘ka luzing tuk’ a tiih a tlu, a nupi in capoh men ah a ruat lawk ih a kaitho tum rero nan a tho thei nawn lo.

Cutin mibawmtu pawl a phone lohli ih siizung ah an phur, siizung an thlen tikah cun siibawi pawlin a thaw a cem zo’ an ti. Siibawi pawlin an zohdiknak ah damlonak zianghman a nei lo, tulai boruak thlengaw khuahlum tuk ruangah a thluak thisen fehdan diklo in a thi tin an ngankhum.

Ṭuanvo neitu in, “Tulai boruak hi a sia tuk, boruak a hlum tuk ruangah ei le in khal fimkhur cio uh” tin forhfialnak anei. Durian le zu/beer intlang hi a ṭha tuk lemlo, zingzoitu pawl cun a ṭhalonak an thei cuang lo nan durian le beer intlang ruangah mithi an um hnuaihni zo. Durian le cawhnawi intlang cu thihnak a si an ti.

Be the first to comment

Leave a Reply

Your email address will not be published.


*