Thailand Ram Ah Kawlram Mi (2) Cu Zan Ah Zu An In Ih Ringpin Hla An Sak, An Innhnen Thailand Pa In A Kap That

Thailand ram ah hnaṭuan ih um Kawlram mi (2) le an rualpa Cambodia mi pakhat cu an innluahnak ah zu an intlang. Zantlai hnuah zu an ri ih ringpin hla an sak ciamco, tualsung veng le hnen pawl an hnaihnok ih an itthat thei lo.

An innhnen ah Thailand nupa an um ih an nu cu palik bawi ṭuan lai a si. Palik bawi cu a itthat thei lo ruangah an pa in zuri pawl cu palang in a deng ih ralrinnak a pe. Zu an ri zo ruangah ṭongkam an el’aw ciamco ih Thailand pa in an pathum in a kap that thu Thailand thuthang sungah an tarlang.

Comment-nak ah ramdang um Kawlram mi pawl cu veng le hnen an hnaihnok ṭheu. Thailand ram lawng asilo hmun dangih um pawl khal khavek mi an tamtuk. Zu an rit hnuah ‘innlam ka ngai, ka nu ka ngai’ tin hla an sak. A thaizing ah an nuamsa lo ih hnaṭuannak ah an feh thei lo, cumi hnuah mibawmtu pawlkom dangdang hnenah bawmnak an dil ṭheu’ an ti.

Thudang: Malaysia Ah Kawlram Mi Pakhat A Thi
Malaysia, Kuala Terengganu khua ih um Kawlram mi Saw Kalal Say (kum 47) cu damlonak ruangah May 29, 2022 ah a thi. Karen miphun a si ih Yangon, Shwepyitha khuami a si.

A innsang pawl ih ngennak vekin Malaysia ramsung ih um mibawmtu pawlkom in a ruak cu Kawlram ih kuat dingin an tawlrel. Tuisun June 8, 2022 zinglam nazi 11:15 ah Yangon Airport an thleng ding.

Be the first to comment

Leave a Reply

Your email address will not be published.


*