Thailand Ram Ah Maimom Cu Aungbali Simtu Ah An Hmang

Thailand mipi pawl hi aungbali an uar tuk, thil ziangkim an tuahmi cu aungbali number lawnglawng ah an ruat. Motor sungah nau nei an um asilen motor number vek ciahciah aungbali an lei ṭheu. Ang Thong ah mipa pakhat in maimon cu aungbali poh ngah ding mi simtu ah a hmang.

Himi maimom cu hmul nei le tur nei a si ih “Lord of the Tarantulas” tin an ko. Maimom ruangah aungbali veihnih an lei zo ih an poh ngah ngaingai cu a hminthang zet.

Maimom phun danglam pawl a si ih kua anei. Aungbali an va sut tikah a kua kiangah thlacamnak an nei ih puai te an tuahsak. Phazawnden an vang ih ei le in ding khal an ret, maimom kua kiangah number (0) ihsin (9) tiang ngannak cahnah an ret.

Nikhat le zankhat an um hnuah maimon cu ava suak ih cahnah cu a siatsuah, a siatsuahmi cahnah ih number vek ciahciah aungbali an lei ṭheu. Kan dung ah cahnah pathum 3, 1 le 9 ngannak cahnah a siatsuah ih himi number vek ciahcaih aungbali an poh ngah. Cumi hnuah cahnah pahnih 8 le 3 ngannak cahnah a siatsuah.

Be the first to comment

Leave a Reply

Your email address will not be published.


*