Thailand Ram Ah Myanmar Tleirawl Te A Hlo

Thailand, Panang khua ih um Myanmar mi a hlo ih an hawl rero lai. A hmin cu Ma Nanda Moe Kyaw a si ih kum 13 mi a si, a pa cu U Kyaw Than a si ih Thailand ramsung ah hnaṭuan in an khuasa.

January 30, 2022 ihsin a hlo ih tuini tiang an hmu thei hrih lo, a hlohnak hi ni 19 a kim zo ruangah a innsang pawl cu an thinhar zet. A thuhla theitu, hmutu nan um asilen a pai phone number 0823679096 le ṭuanvo neitu phone number 020030015 ah pehtlaih uh’ tin an tarlang.

Kan dung kum khalah Thailand ramsung ih um Kawlmi fala pakhat a hlo ih an hawl rero hnuah a ruak lawng an hmu, a hnaṭuanpi Thailand mi in a pawngsual hnuah a ruak cu a urkang. A hnaṭuanpi khal tualsung palik pawlin an kai zo. Hivek thil arak thlen zo ruangah tuiṭum ih mihlo khal seherh aum zet.

Be the first to comment

Leave a Reply

Your email address will not be published.


*