Thailand Ram Ah Nauhak Hlawhhlang Ṭuanter Tu An Kai, A Fanu Khal Hlawhhlang A Ṭuanter

Thailand, Saraburi le Chiang Rai ah nunau pathum an kai, April 8 zing ah ṭuanvo neitu pawlin zingzoinak an tuah ih kum 37 mi Ms Narisa, Naree (kum 49) le Thittaphat (kum 27) pawl cu an kai.

Tleirawl kum 15 kiangkap hrawng cu hlawhhlang an ṭuanter ṭheu, tleirawl pawl an lei tikah Thittaphat in mikhual pawl cu arak pehtlaih. Mikhual pawlin nauhak an lei tikah veikhat ah 300-500 baht an cutsak. Palik pawlin February thla ihsin an ramsung ah nunau kumkimlo zuartu an um ti an thei ih an zingzoi.

Kumkimlo tleirawl pathum cu an runsuak ngah ih cutin a zuartu mi pathum khal an kai thei. Tleirawl zuaraw lakah Ms Naree ih fanu khal a telve, a nu in hlawhhlang a ṭuanter ti an thei. An fial vekin an tuah lo asilen an kawk, kut khal an thlak ṭheu thu pawl palik hnenah an sim thei.

Be the first to comment

Leave a Reply

Your email address will not be published.


*