Thailand Ram Ah Zawhte Hmai Pahnih Nei A Piang

Thailand, Lampang province, Hang Chat khua ah zawhte hmai pahnih nei a piang. Kan dung zarhpisun July 17 ah kum 2 mi zawhte in fa a hring, fa pakhat a neih hnuah a dang hi a hringsuak thei nawn lo ih a talbuai.

Curuangah zawhte neitu in ramsa siizung ah a tlanpi lohli ih pum at in nei an neihter. Siizung ah fa 4 ava nei bet ih pakhat cu hmai pahnih anei. A hmai pakhat cu “Tung Ngern” tin an ko ih khatlam cu “Tung Tong” tin an ko, a hmai pahnih in hnawiti an fawh thei veve.

Hmai pahnih a neih ruangah zawhte neitu hi zan khal a it thitha thei lo, minung vekin kilkhawi an ṭul a ti. Zawhte hmai pahnih nei cu nikhat hnuah an thi ṭheu an ti nan himi zawhte cu tuini tiang a damcak zet lai. Zawhte hmai pahnih nei hi an thi lohli cuang lo.

1999 kum ah US ram ah zawhte hmai pahnih nei a piang ih kum 15 sung an nungdam. 2012 kum ah zawhte hmai pahnih nei ih dam reibik laksawng The Guinness Book of World Records ah ngankhum an si ih 2014 kum ah an thi. Curuangah tuiṭum ih piang zawhte hmai pahnih nei khal an dam rei ding ti beisei an si.

Be the first to comment

Leave a Reply

Your email address will not be published.


*