Thailand Ram, Datsii Tank Sungah Kawlram Mi Ruak Pakhat An Hmu

Thailand, Surat Thani tiva kap ih nga hawlnak lawng parah Myanmar mi pakhat ih ruak an sar. Himi lawng hmang in nga hawl a si, nga hawlin an poksuak hnuah a hlo. Lawng cu tiva kap ah an ret ih hnaṭuantu ṭhenkhat in lawng cu an tifai hnuah rawng hnih an tum.

Cutin, engine room sungih datsii tank cu laksuak an tum ih a rit tuk ruangah a sung an zoh cu mithi ruak an hmu. An zumdan cun a thihnak hi nithum hrawng a si zo ding an ti, datsii in a ciah ringring ruangah a ruak cu a siat tuk ih a taksa parah hliamhma a um le um lo khal an theithei lo.

Suratthani Hospital ah zohdiknak nei dingin an la, tualsung palik pawlin lawng parih hnaṭuantu Thailand mi le Myanmar mi 8 cu thu an sut nan zianghman an theih lo thu an sim thei, palik pawlin hnaṭuantu mi 8 ih thisen DNA an la hnuah ‘Neta ah thu kan ra lo sutsal ding’ an ti.

Lawng neitu in, “Hna ara ṭuannak cu ni 8 hrawng lawng a si lai. Mi daiten a si ih lawng parah aum ringring, a caan ahcun party-nak hmun ah a feh ṭheu an ti. A rualpi pawl cu kan thei lo” a ti. Myanmar mi ih innsang pawl pehtlaih dingin an hawl rero, ziangtin a thi ti khal an thei hrih lo.

Be the first to comment

Leave a Reply

Your email address will not be published.


*