Thailand, Chon Buri District, paper factory ih hnaṭuan Kawlram mi tlangval pakhat cu August 15 zanlam ah a hnaṭuannak hmun ah vanduainak a tong. Cetpi in a rial that, a lu ihsin a taksa hrek cu cet sungah a lut. Print and Pack Co., Ltd. ih hnaṭuan a si.
A hmin cu Maung Tun Myat a si ih kum 18 mi a si. A hnaṭuanpi Kawlram mi in, “Maung Tun Myat ih hnaṭuan cu cet a kil, paper pawl a at, rial ṭheu. Inn leng ka suak laiah cansualnak arak tong, innsung ka lut hnuah cet sungah thicia in ka hmu” a ti.
Palik le mibawmtu pawlkom an ko ih cet hi a tum tuk ruangah an lasuak tum rero nan an lasuak thei lo. Cet thamthiam pawl an thleng hnu lawngah a ruak cu an lasuak thei, an buaipi sung hi nazi pakhat hrawng a si.
A ruak cu siizung ah zohdiknak an nei rero lai. Palik pawlin CCTV fehtlang in a cansual dan hi an zohfiah ding, cumi hnuah thilṭul mi pawl an tawlrel ding.
Leave a Reply