Thailand Ram Ih Hnaṭuan Kawlram Mi Cu Hnaṭuan A Feh Lamah A Hlo

Thailand, Nonthaburi Province, rawldawr ih hnaṭuan Kawlram mi Saw Aung Tike cu July 7 zinglam nazi 10:00 ihsin a hlo ih tuini tiang a thuhla an thei nawn lo. Kum 31 mi Saw Aung Tike hi a farnu le pawl thawn hnaṭuan tlang an si, a sulhnu khal hmuh ding aum nawn lo ruangah an thinhar zet.

An hnaṭuanpi Kawlram mi nunau pakhat in, “A naunu le pawl thawn hmunkhat ah hna an ṭuan tlang khawm. Kan dung July 7 zinglam ihsin a hlo, an pehtlaih thei nawn lo. An sungkhat pawlin ziang tuah ding ti khal an thei lo ih an ṭap rero men.

Palik sakhan ih theihter dingin an tawlrel rero lai. A hloh hlanah innkhan an thawn aw, cutawk ah mi pakhat in thinheng hmel zetin arak zoh ringring. Zinglam nazi 10:00 ah hnaṭuan dingin a poksuak ih lamzin ah a hlo, a hlohdan boruak hi a ṭha lo tuk ruangah an thinhar zet” a ti.

A innsang pawl cu ziang tuah ding ti khal thei loin an ṭap rero lai, online parah a thuhla an tarlang ih nan rak hmu pang asilen in sim thei hram uh tin an tarlang.

Be the first to comment

Leave a Reply

Your email address will not be published.


*