Thailand Ram Ih Lut Thup, Kawlram Mi 19 An Kai

Myanmar ramsung a buai ruangah mi tampi cu sahimnak hawl in hmun dangdang ah an tlan ih an relh. Thailand ram ih lut thup Kawlram mi 19 cu Thailand ralkap pawlin an rak kai, motor pakhat sungah an rak relh.

Mipa 11 le nunau 8 an si, Thong Paphum District ramlak lamzin ah Burma mi pawl an ra lut ti thuthang an theih ruangah an rak check ih an kai ngah.

Driver kum 38 mi Kriangsak Janya khal an kai ih 2,000 THB hlawh in a phur thu a sim, diver Kriangsak Janya cu 2019 kum khalah hivek thotho in an rak kai zo. Sai Yok District ramlak ah Kawlram mi 8 arak phur lut ruangah kaih a tong zo.

Kawlram mi 19 cu palik sakhan ah an hruai ih thu an sut hnuah Kawlram ah an kuatsal tum. Covid-19 ruangah Thailand ramri cu a hlan hnakin an kil hngetkho sawn ti a si.

Be the first to comment

Leave a Reply

Your email address will not be published.


*