Thailand Ram Ih Raltlan Pawl Hrang Thilri Bungrua Lakah Meithal Le Ralthuam Pawl An Hmu

Thailand cozah in Myanmar raltlan pawl a cohlang zo ih an ramsung ih raltlan pawl cu an kilkhawi. NGO le pawlkom dangdang thawn raltlan pawl ih ei le in ding, siivai pawl an pe ṭheu.

Mae Sot Township, Mae Ku khua ih um raltlan pawl hrang thilri bungrua pawl phurtu motor cu Thailand ralkap pawlin an rak check-up ih a sungah meithal le ralthuam pawl an hmu. Motor mawngtu 3 khal thusut dingin hmun dangah an hruai.

Motor mawngtu 3 in an thilphurmi thuhla ah zianghman an thei lo thu an rel ih Thailand ramsung, hmun dangdang ih um pawlin siivai an phurter thu an rel. Raltlan sakhan khal hngetkho zetin an kil ih zingzoinak an nei.

Ṭuanvo neitu in, “Ahlan hnakin an strict zet, raltlan pawl hrang thilri bungrua pawl phurtu motor khal ralkap pawlin an zohdik thluh. Raltlan sakhan ah buainak kan tong phah men thei” a ti.

Be the first to comment

Leave a Reply

Your email address will not be published.


*