Thailand Ramlak Ah Cawkhal Nauhak Pawlin Myanmar Nunau Ruak (2) An Hmu

Thailand, Chai Nat ramlak ah cawkhal nauhak pawlin mithi ruak pahnih an hmu. May 23, 2022 ah mithi ruak pahnih cu an hmu ih Myanmar mi an si ti an thei.

Ṭuanvo neitu pawlin an zingzoi hngal ih Thailand mi motor driver 3 an kai. Thailand mi motor driver pathum in Myanmar mi 10 cu Thailand ramsung ah hnaṭuan dingin an phurthup thu an phuangaw.

Myanmar mi 10 pawl cu hanghnah hangrah lakah an thup ih motor thawn an phur, Chai Nat ramlak ah motor an thlengaw ih cutawk ah Myanmar mi nunau pahnih cu an thi ti an thei. Motor sungah anmahten an thi an ti, cutin ramlak ah an hlon.

Palik pawlin mithi ruak pahnih cu an zohdik ih hliamhma zianghman an tuar lo ti an thei, an thihnak cu ni 2 a rei zo. Siibawi pawlin an thihdan cipciar ih theifiang dingin an zohdik rero lai. Mithi pahnih ih hmin le an khua khal an thei hrih lo ih an zingzoi rero lai.

Thailand ramsung ih Myanmar mi pawl bawm ṭheutu in, “An hmin le an khua khal kan thei hrih lo ih kan zingzoi rero lai. Motor mawngtu pathum cu Thailand mi an si ruangah an thuhla zianghman an thei ve lo, an motor ih to Myanmar mi 8 pawl cu pehtlaih dingin kan hawl rero lai” a ti.

Myanmar ramsung buainak le Covid-19 thlisia ruangah Myanmar mi tam zet cu daan loin Thailand ramsung ah an lut ih hnaṭuan ding an hawl. Lamlak ah thihhlohnak le harsatnak phunphun an tong ṭheu.

Be the first to comment

Leave a Reply

Your email address will not be published.


*