Thailand Ramlak Ih Kawlram Mi Nunau 2 Ruak Sar Thuhla Ah Kawlram Mi Puaisa An Kai

Thailand, Chai Nat lamzin kap ramlak ah Kawlram mi nunau pahnih ih ruak an sar, July 19 sun ah Thailand palik pawlin mithi ruak an sar.

Thailand ramsung ah hnaṭuan dingin daan loin an lut, motor sungah an thup ruangah Oxygen tlasam in motor sungah an thi ih lamzin kap ah an hlon ta.

Thailand palik pawlin puaisa pawl an kai ih an phuangawk ruangah Thailand ram ih um Kawlram mi puaisa Mah Man Khin Sawmu (kum 48) cu July 28, 2022 ah an va kai. Mah Man Khin Sawmu hi Thailand ram ah mi innluah ih um a si ih puaisa a ṭuan.

Thailand ramsung ih um hnaṭuannak neitu pawl thawn an bia’aw ih Kawlram mi pawl cu daan loin a hruailut ṭheu ti an thei. Minung pakhat ah baht 200 ihsin 500 tiang man a la. A phuang awknak ah vei 10 a hruailut zo thu a sim. Thailand palik pawlin hremnak pe dingin an hruai. Mithi ruak pahnih thuhla ih pehtlaih awtu midang khal an hawl rero lai.

Be the first to comment

Leave a Reply

Your email address will not be published.


*