Thailand Ramsung Buainak Cinfelnak Dingah MP In Prime Minister Cu Kickboxing Nei Dingin A Ngiar

Thailand ramsung khal an buai zet, mipi pawl lamzawhnak, duhphorhnak an nei rero lai. Covid-19 lakih an cozah cangvaihdan ah an lungawi lo tuk ih Prime Minister Prayut Chan-o-cha cu hnukdawk aw dingin duhphorhnak an nei rero lai.

Ralkap/palik pawlin rubber gun, mitthli tlaknak in an rak kap ciamco. Cutin an ramsung a buai vutvo ruangah MP Mongkolkit Suksintharanon in “Thihsen luang ṭul loin hi buainak cu kan cinfel ding.

Cozah le mipi karlak buainak cu thindaiten kan cinfel tum ding. Prime Minister, Prayut Chan-o-cha thawn kickboxing kan nei dingih ka neh asilen Prime Minister sinak ihsin a hnudawk aw ding. In neh asilen MP ihsin ka suak ding, Prime Minister cu kum 67 mi a si ih kei cu kum 40 mi ka si.

Kum 27 in kan thlauaw ih, ka aiin a upa sawn ruangah ka kehlam kut ka telh lo ding. Ka vorhlam kut le ka ke lawng ka hmang ding” tin a ngiar. Cun, an sualawknak ah thahrum thawhnak zianghman aum lo ding, kickboxing cu sport men a si.

“Ka ngiarnak a cohlang lo & ni 10 sungah in letsal lo asilen a ṭihhruhnak ruangah Prime Minister ihsin bang ding a si a ti. MP Mongkolkit Suksintharanon cu sport mi a si ih Muay Thai gym ah a lek ṭheu.

A ca tar mi cu an cozah Palang Pracharath Party (PPRP) in an duh lo zet ih PM ngair cu an rampi daan thawn a kalhaw maw tin an zingzoi rero. An rampi thurawn petu PM Prayut in “Daan thawn a kalhaw asilen MP ihsin a suak thei.

MP si dingah cun a fit lo tuk, ruatnak nei lo vek a si. Ziangtin MP a cang thei ti khal ka thei lo, a vanṭha ruangah a si ding” a ti. Nikum 2020 khalah MP Mongkolkit Suksintharanon in “Game lek ih sumpai hawl, nawhcizuar (hlawhhlang) pawl cu cozah pompi mi si dingin arak dilsak zo.

Be the first to comment

Leave a Reply

Your email address will not be published.


*