Thailand Ramsung Ih Thi, Kawlram Mi 3 Cu Zangnadawmnak La Dingin An Innsang Pawl An Hawl Rero Lai

December 8, 2021 sun ah Thailand ramsung ih lut motor pakhat cu lamzin kap ah accident rapthlak zet a tong ih mithi 3 an um. 3 in hliamhma nazet an tuar ih kutbul le ruhkiak khal an um.

An motor mawngtu cu arak tlanhlo man. Tualsung į¹­uanvo neitu pawlin mithi le hliamtuar pawl cu siizung ah an tlanpi hngal, motor totu hi Kawlram mi 18 an si. Motor accident ruangih mual liamtu 3 cu Thailand cozah in zangnadawmnak sumpai a pe tum ih a latu ding an innsang ngaingai hi pehtlaih dingin an tawlrel rero lai.

An hmin cu (1) Muang Supa, pa hmin cu U Sein Win, Mon State, Kyaikto khuami a si. (2) Maung Lin Htet U, pa hmin U Tin Myint, Mon State, Bilin khuami a si. (3) U Tin Zin U, pa hmin U Myint Oo Mu, Mon State, Ottara Thiri khuami a si.

An innsang pehtlaihnak ding phone number theitu pawl cu Myanmar Labour Attache Office ah theihternak pe dingin an ngen, mibawmtu pawlkom khalin an ruak phumdan ding thuhla ah an innsang pawl pehtlaih an duh thu an tarlang ve.

Thailand ramsung ih um mibawmtu pawlkom in January 6, 2022 ah Thaisri Insurance Public Company Limited hnenah thilumdan an va simfiang hnuah zangnadawmnak pe dingin thu an suah. Midang hliamtuar 15 pawl cu Myanmar, Myawaddy lamah kuat dingin an tawlrel rero lai.

Be the first to comment

Leave a Reply

Your email address will not be published.


*