Thailand Taxi Mawng In Kawlram Fala Kum 17 Mi A Pawngsual Hnuah Taza A Cuai Bet

Thailand, Bangkok khawpi ih um Kawlram mi fala kum 17 mi cu Thailand mi taxi mawng in a pawngsual hnuah taza a cuai bet. Fala kum 17 mi cu a nute tei inn ah aum ih hnaṭuan ding a hawl, a nute in facebook cahmai ah hnaṭuan ding an hawl thu a tarlang.

Taxi mawng kum 39 mi Adirek Sae Bae in ca cu arak hmu ve ih hnaṭuan ding a neih thu a comment, cutin an pehtlaihaw ih Adirek Sae Bae in a Facebook zuk ah midang zuk a hmang. April 1, 2022 ah Adirek Sae Bae in motor in ava hruaisuak ih hnaṭuannak hmun ah thlah tum in a bum.

Hnaṭuannak hmun ah hruai loin ‘love motel’ ah a hruai ih ‘damlonak a nei le nei lo an lo check-up lawk ding, cumi hnuah an ra lo hruai ding’ a ti. Hotel room sungah a karhkhum ih amah cu a suak lawk, room sungah ava lutsal ih a kut cu a tawnbet hnuah a sualpi ciamco.

Cutin, a sualpi lai cu phone in a zuk, cumi hnuah a phone le a sumpai 500 baht a laksak ih Klong Tan police station ah taza ava cuai. Kawlram mi fala cu Thailand ṭong thiam lo a si, taza a cuainak cu Thailand ramsung ah daan lo ih ra lut a si a ti hnuah a tlan. Adirek Sae Bae in Kawlram mi fala cu daan lo ih um ti arak theicia.

Palik pawlin ṭonglettu an ko ih a parih thilthleng cu an sut, palik pawl hnenah a parih thilthleng cu a simfiang. Palik pawlin taxi mawngtu cu kai dingin an hawl ih Victory Monument ah an va kai ngah, a phone sung khalah zuknung ṭha lo cu an hmu.

Adirek Sae Bae cu nauhak kumkimlo pawngsual thubuai, rukru thubuai, nauhak puitling zuknung canpi thubuai pawl an orhter ih an kai. Kawlram mi fala cu daan loin Thailand ramsung ih a lut ruangah hremnak zianghman an pe lo ding, tuahmawh tong a si ruangah hremnak an pe lo ding thu palik in a rel. Myanmar ram a tlung thei hlan sung cu siizung ah an tuamhlawm ding.

Be the first to comment

Leave a Reply

Your email address will not be published.


*