Thailand Ti Tawih Puai Ah Phungyi Zu A Ri Tuk Ih A Cat’Thla, “Sualnak Zianghman Ka Nei Lo” A Ti

April 13, 2022 ah Thailand ram ah ti tawih puai an nei ih an nuamaw zet. Kawlram vek thotho in April 13 sun ah Thai New Year puaipi an hmang. Cutawk ah Nakhon Ratchasima ih um phungyi kum 50 mi cu zu a ri tuk ruangah an temple lutnak ah a cat’thla.

Amah hi police rak ṭuan zo a si, phungyi a ṭuannak cu kum 4 a rei zo ih zu a in ṭheu ruangah vengsung mipi pawlin phungyi ihsin suak dingin an fial ṭheu nan a duh lo. Cutin, zu a ri tuk ruangah zianghman thei loin a it ih a taw khal a lang pempem.

A kiang ah Thailand fang zu palang aum bet, kiangkap ih um pawlin hringtu a nu an ko ih ava thangharh. Phungyi in, “Zu ka ri tuk, asinan sualnak zianghman ka tuah lo. Midang ka tuah naa lo ih daiten ka um men” a ti.

Phungyi ṭuan ih zu in cu daankalh a si, cumi hnuah motor a mawng ih a vaksuak, phungyi ih motor mawng khal daankalh thotho a si ruangah vengsung mipi pawlin an rak zuk.

Thailand ramsung ah phungyi ih motor mawng an siang lo ih phungyi cu driving license an pe thei lo, misenpi hmanmi bus tivek lawng an to thei. Vengsung mipi pawlin phungyi ihsin suahter an duh tuk ruangah a cansualnak pawl cu an zuk ih online parah an tarlang.

Be the first to comment

Leave a Reply

Your email address will not be published.


*