Thailand Tlangval In Amah Cawmtu A Pi A That, A Pu Mithmuh Ah >>>

Thailand, Buriram Province ih um tlangval kum 22 mi in amah cawm thangliantu a pi kum 80 mi a that. A suah ihsin a pi in a kilkhawi. May 18, 2021 zinglam nazi 11 hrawngah a pilepu cu rawl an ei, an tupa in a pi ih sam in ava dir ih lamzin ah a vel ciamco. Palik pawlin an hmin cu an tarlang hrih lo.

A pu ih mithmuh ah a pi cu a vel ciamco, a pu in a kham nan a pu khal a tar tuk zo ruangah a kham thei lo. A pu in vengsung mipi pawl hnenah a sim thei, vengsung mipi pawlin tlangval kum 22 mi cu an dum ih palik pawl an thlen hlanah an kai ngah.

Palik pawl an va thleng ih tualthattu cu an kai, a pi cu hliamhma nasa zet a tuar ih siizung ih an tuamhlawm rero laiah a hliamhma tuar loin a thi. Palik pawlin thu an sut ih ritheihsii a ri tuk lai ruangah zianghman a rel thei lo, ziangruangah a pi a that ti khal an theifiang hrih lo.

A nute in ritheihsii a tham ringring, a pi in nun a sim thei nawn lo ruangah palik pawl hnenah hremnak pe dingin a ap áš­heu. Thawng khal a tla zo, a suah hnuah vengsung ah buainak a tuah ringring. A pi ih ngennak ruangah ritheihsii ngawlvel pawl umnak runinn ah an khum, vei tampi an khum zo nan a ziaum thei cuang lo. Ritheihsii tham pawl an retnak ihsin a suah hnu nithumnak ah a pi cu a that’ a ti.

Be the first to comment

Leave a Reply

Your email address will not be published.


*