Thaisun Ramsung Huap Daiten Duhphorhnak Tuah Ni, Ralhrang In ‘Dawr Ong Ding, Hnipuan Dum Hruh Lo Ding’ An Rak Ti Ve

Thaisun December 10, 2021 hi leitlun huap Minung Covo Ni (Human Rights Day) a si. Himi sirhsan in Myanmar ramsung ah daiten duhphorh ni Silent Strike tin cangvai dingin mipi pawl thu an thanaw thluh zo. Myanmar ram cu ralhrang in an control lo, mipi in an control ti langter cikhat khal a si.

Zinglam nazi 10:00 ihsin simlam nazi 4:00 tiang cu mai innsung ciar ah daiten um men ding, dawr ong lo ding. Vaksuak lo ding, innsung ah hnipuan dum hruh in daiten um men ding ti a si.

Magway ramsung khua ṭhenkhat ah ralhrang pawlin hringhronak thu an rak suah ve hngal ih thaisun ih dawr ong lo pawl cu nan dawr kan lo lonsak ding, nan vahsuah tikah zohman kor dum, mask dum bun lo ding tin mipi pawl hringhronak thu an suah.

Magway khuami upa pakhat in, “Tuisun ah meeting in ko, ralhrang pawlin thaisun ah dawr khan pawl nan ong tengteng ding, ong lo a ngah lo. Dawr ong lo pawl cu an dawr kan lonsak ding, thaisun ah zohman kor dum hruh lo ding, mask dum bun lo ding. Thulung lo pawl cu kan kai hluahhlo ding an ti” tin media hnenah a sim thei.

Thaisun ah mipi in daiten duhphorhnak an tuah tum ih ralhrang pawlin hlawhtling lo dingin a phunphun in cangvaih an tum ih online par khalah thuthang diklo an tarlang rero.

Be the first to comment

Leave a Reply

Your email address will not be published.


*