Thantlang Ah Bomb A Puak Ih Mi Pakhat A Thi, Mi 7 In Hliam An Tuar

Tuisun Augsut 27 ah Chinram, Thantlang ah bomb a puak ih mi pakhat a thi, mi 7 in hliamhma nazet an tuar ih siizung ah an tuamhlawm rero lai.

August 25 sun ah ralkap in Thantlang, tlawnginn veng sungah bomb an kap ih a puak lo, cumi bomb cu tuisun ah inn neitu Pu Hlei Bik in a keng ih a puak ruangah a hliamhma tuar loin a thi.

Himi thuhla ah The Thantlang Times in “Tuinaite ah Thantlang khuasung, tlawnginn vengsung ih bomb puak ruangah inn neitu Pu Hlei Bik in mual in liamsan, midang khal an bese zet ih thlacamnak thawn rak bawm cio uh.

Tuinaite Thantlang khuasung ih bomb puak mi kha mani tihni ih uico pawl ih an kahmi a puak lo mi kha inn neitu in innsung ihsin innleng ah a suahpi ih.

Minung 9 hrawngin an zoh laitak ah a puaksual ih hliam an tuar. Atu hi minung 5/6 hrawng siizung ah an fehpi ti kan thei, thlacamnak in rak bawm cio uhsin. Mipi pawl thinphang tuk hlah uh, mai innciar ah thindai hnagamten um cio uh” tin an tarlang.

Be the first to comment

Leave a Reply

Your email address will not be published.


*