Thantlang Ih Mithi Cu Vuiliamtu Ding An Um Lo Ruangah Hakha Covid-19 Ṭuanvo Neitu Pawlin An Va Vuiliam

Kan Chinram sungah hivek dinhmun kan tong cu a poi tuk, asinan nikhat khat ahcun zalennak nieng mawi a suak leh ding.

Tuisun September 21 zinglam ah Thantlang ah pitar kum 61 mi a thi, khuasung ah minung malte lawng an um ruangah a ruak vuiliamtu ding upa an um lo ih Hakha Township Puplic Healthcare & IDPs Management Committee hohanak in Thantlang ah an va feh ih an vuiliam.

Ruak vuiliamtu pakhat in, “Mual liamtu in a fanu le a pasal a tanta, a fanu le a pasal lawng an um ruangah a ruak vuiliamtu an um lo. Thantlang khua sungah inn 9/10 hrawng lawng an tang, an zaten an tlansuak thluh.

Ruak kan vuiliam hnuah a fanu le a pasal cu Hakha ah kan hruaiso ih an sungkhat inn ah kan thlah” tin media hnenah a sim thei. September 18 sun ah Thantlang khua sungah ralkap pawlin meithal le bomb pawl an kap ciamco ruangah inn 19 a kangral.

Innkang pawl thelhmit tum pastor khal ralkap pawlin an rak kap that. Cumi hnu ihsin Thantlang khuanu khuapa pawl cu sahimnak hawlin hmun dangah an tlan, minung malte lawng khuasung ah an um lai tin Chin World thuthang ah an tarlang.

Be the first to comment

Leave a Reply

Your email address will not be published.


*