Thantlang JMBC Biakinn Ah Bomb A Puak, Tokham Le Thildang A Siatsuah

September 14 zan laiah Chinram, Thantlang ih Johnson Memorial Baptist Church (JMBC) biakinn ah bomb a puak ruangah biakinn building a siahsuah.

Sep. 14 zan nazi 8:00 hrawng ihsin nazi 10:00 tiang cu catbang loin meithal awn an thei, meithal awn cu ralkap umhmun khuarnak le palik sakhan ihsin a si. Bomb puak awn vei 4 an thei.

Tualsung mi pakhat in, “Mizan ah meithal awn, bomb puak awn kan theih ruangah zohman leng kan suak ngam lo. Tuizing khuavang hnu lawngah bomb puaknak hmun pawl kan va zoh, biakinn partak ihsin bomb a tla ih biakinn sungih tokham pawl a siahsuah. Hmun dang 4 khalah bomb puaknak sulhnu kan hmu. Meithal awn cu ralkap umhmun khuarnak le palik sakhan ihsin kan thei’ a ti.

Tuizng ah ralkap 30 lenglo cu Thantlang bazar kiangkap lamzin ah an um ih mivak sukso pawl cu thusutnak le an phone pawl an check sak. Khuasung mi pakhat in, “Bike mawng pawl cu an rak dingter ih ‘Khuitawk ah nan feh tum? Ziang nan tuah tum?’ tipawl an sut.

Ṭhenkhat cu Kawl ṭong an thiam lo ruangah an ṭih tuk, curuangah ralkap pawlin an hmai ah an beng, an sit. Pakhat khal Kawl ṭong a thiam lo ruangah ralkap pawlin an dingter cu a ding lo ih a tlan lan ruangah meithal in an kap nan amah cu an kap ngah lo” a ti. (#Zalen)

Be the first to comment

Leave a Reply

Your email address will not be published.


*