Thantlang Khawpi A Kang Rero Lai, Mipi Kilhimtu In Rukru Ralkap Pakhat An Kap That

Tuizing October 29, 2021 zinglam nazi 10:50AM hrawngah Chin ram, Thantlang khawpi inn pawl cu ralkap pawl ruangah a kang ciamco. “Sun nazi 3:25PM tiang a kang rero lai, ralkap pawlin hmun 7 hrawng ihsin an urkang ih tuisun lawng ah inn 40-50 karlak hrawng a kang men ding” tin The Chinland Post ah an tarlang.

Mipi kilhimtu CDF in ralkap pakhat cu a thilruk laiah an kap that ih cumi hnu ihsin ralkap pawlin bomb le pukpi in an kap ciamco. Khuasung inn pawl an urkang. Thantlang khuasung ah mipi an um nawn lo ih ralkap in thil an rak ru ṭheu.

September 18, 2021 khalah ralkap pawlin Thantlang innṭha zetzet 18 le Hotel pakhat an rak urkang zo ih kangmei thelhmit tum pastor cu an kap that.

Khuami upa pakhat in “Misual Min Aung Hlaing naule pawl ih tuahmi ti cu a fiang. Inn ziangzat a kang/cim ti cu kan thei hrih lo, Thantlang cu innkhat le innkhat hi kan naiaw tuk ih innkang hi zohman in an mit lo ding ruangah inn tampi a siatsuah ding ti kan phang. Thlacamnak thawn in rak bawm cio uhlaw” a ti.

Be the first to comment

Leave a Reply

Your email address will not be published.


*