Thawnginn Ihsin A Suah Veten Lawmnak A Tuah Ih Covid-19 Daan Pahbal Tin Thubuai An Orhter Sal

India, Maharashtra ih um Babu Chaddi cu thubuai anei thei zet ih palik pawlin an kai ṭheu, buainak phunphun ah arak telve ringring. Electric thilri aruk ruangah an kai ih thawnginn sungah an khum.

June 23 sun ah thawnginn ihsin an suah zalen ih a rualpi 10-15 hrawngih an rak hmuak. Cutin, inn lam khalah tlawng hngal loin Deonar hmun ah an feh ih a thawngtla suak lawmnak party a tuah, marks khal an bun lo ih an nuamaw vutvo.

An nuamawk lai cu online parah an thlah ih palik pawlin an ramsung ih thilthleng a si ti an theih veten an va zingzoi ih an zaten thubuai an orhter.

Zohman cu an kai hrih lo nan Covid-19 daan le dun pahbal tin thubuai an orhter ih ziangvek hremnak an pe ding ti cu theih a si hrih lo. Covid-19 in Maharashtra ramsung a nuai nasa zet ih damlo le mithi khal an tam zet zo.

Be the first to comment

Leave a Reply

Your email address will not be published.


*