Thawnginn Sungah Eaindra Kyaw Zin A Damlo Bese

Kum 44 mi Eaindra Kyaw Zin le a pasal Pyay Ti Oo cu Myanmar ramsung buainak ah mipi lamtang an si. Lamzawhnak khalah nasa zetin an tel ih ralkap cozah cu a phunphun in an dodal.

Curuangah ralkap pawlin an nupa in an kai ih Insein thawnginn sungah an khum. Fate 2 an nei zo ih Eaindra Kyaw Zin in a fale pawl hmuh a cak thei tuk nan ralkap pawlin an siang dah lo, Insein thawnginn sungah milar tam zet an um lai.

Thawnginn sungah Covid-19 nathrik a darh ciamco ti an theih ruangah mipi in an seherh zet. Ralkap in thawngtla tam zet an suah zalen zo nan milar pawl cu an suah ve lo. Pahnih khat lawng an suah lai.

Thawnginn sungah Eaindra Kyaw Zin cu a damlo bese ti mipi in an theih ruangah an seherh tuk, a damlonak cu lunglam thamal damlonak le cuap ṭhalo damlonak a si. Insein thawnginn sungih siizung ah an tuamhlawm rero lai ih siizung ṭha sawn ah tuamhlawm dingin mipi in an dil lai.

Be the first to comment

Leave a Reply

Your email address will not be published.


*