Thawnginn Sungah Kawlpa In Jesuh A Hmu Ih A Piangthar

U Ting Thiat cu misual le lungruh zet arak si. A sual tuk ruangah palik pawlin an kai ih thawnginn sungah an um. Buddhist sakhua a si, a nupi cu Christian ah a lut pek te. Thawnginn sungah an pathian hnenah suah theinak a dil ṭheu nan a suak thei lo.

A nupi hi Christian a si ruangah zankhat cu Jesuh hnenah thla a cam ih thaizing ah in suahter aw’ a ti. A zanmang ah Jesuh a hmu, Jesuh cu a var thluh ih a sam khal a var. Jesuh kiangah mi pakhat aum, Jesuh in himi pa hi rawl pe aw tin a kiangih um cu a fial.

Rawl cu a ei, rawl a ei thluh hnuah a kiangah Jesuh ava feh ih “Ka fapa, na va sual lawmman ve. Na thinphang hlah aw, na suak cing ding” a ti. A thaizing ah mak zetin thawnginn ihsin an suah ngaingai, Jesuh in thawnginn ihsin in suahter a tiih a nung cu thleng danglam in aum.

Thawnginn ihsin a suah hnuah Christian ah a lut, Chinmi rawngbawltu thawn an tongaw ih training an pek hnu June 21, 2022 sun ah tipilnak an pe.