Thawnginn Sungah Ko Pyae Thein A Thi, An Hrem That A Si Ko Ding

Mon State, Ye khawpi ih um tlangval kum 29 mi Ko Pyae Thein cu thawnginn sungah a thi ih a innsang pawlin an hrem that a si ko ding an ti.

Ko Pyae Thein cu ralkap cozah duh loin lamzawhnak ah a tel ṭheu ruangah ralkap pawlin 505 hmangin March 22 sun ah an kai. Kyaikmaraw Prison ah an khum ringring ih a innsang pawl khalin an pehtlaih thei lo.

August 4 ah ralkap in “Zunthlum natnak in a thi” tin a innsang pawl hnenah an sim thei. An sungkhat in “Zunthlum nat khal a nei lo, tuisun ah kan vuiliam ih a hmel lawng zoh an siang.

Reipi zoh khal an siang lo ih a taksa dang zoh cu an siang lo. An hrem that a si ding ti kan zum, a ruak zoh an siang lo ruangah an hrem that a si ding ti rinhlel aum deuhdeuh. A hmel zoh tik khalah an hrem nasa ti a theihtheih” a ti.

Be the first to comment

Leave a Reply

Your email address will not be published.


*