Thawnginn Sungah Pyay Ti Oo Le Paing Takhon An Damlo Bese, Thawngtla Suak In Hitin A Rel >>>

October 18-19, 2021 sun ah ralkap pawlin thawngtla tam zet an suah zalen nan ṭhenkhat milar hminthang pawl cu an tello. Cun an suah zalen mi ṭhenkhat khal an kaisal. An suah zalen mi pakhat cu Paing Takhon thawn umtlang, nelaw zettu a si ih thawnginn sungah Pyay Ti Oo le Paing Takhon cu an damlo bese zet a ti.

Paing Takhon cu a pum naa ringring ih a sungdawk ruangah siivai an thun rero lai, Pyay Ti Oo khal a damlo ti a thei nan a thuhla cu a cipciar in a thei lo thu pawl a rel.

“Paing Takhon in amah duhdawttu mipi pawl a ngai tuk, a damlo ruangah a riahsia zet. Ka hnenah ‘Ka u na suak ding cu ka thinhar tuk. Mipi pawl ka ngai tuk ih ka suah lohli theinak dingah thla in rak camsak uh’ tin mipi pawl sim thei dingin in cah ta” a ti.

Kum 25 mi Paing Takhon cu ralkap pawlin pukmah 505 thubuai an orhter ih April 8, 2021 zinglam nazi 5:00 hrawngah an inn ah an va kai. Ralkap pawlin thawngtla pawl an suah ṭheu nan a tel dah lo. Insein thawnginn sungih um lai milar ṭhenkhat pawl cu Saw Pho Kwar, Pyay Ti Oo, Eaindra Kyaw Zin, Paing Takhon le PO PO pawl an si.

Thawngtla suak in “An suah zalen ding mi pawl hmin cazin an ko ih ka hmin an vun ko veten ka kiangah ara tlan hngal ih in pom hnuah a ṭap. Paing Takhon in ‘Ka u, thawnginn sungah rualpi ka nei nawn lo ding’ a ti. Tutiang thawnginn sungih um pawl hi ka ngai thei zet, an suah lohli theinak dingah thlaza ka cam ṭheu” a ti.

Be the first to comment

Leave a Reply

Your email address will not be published.


*