Ayeyarwady, Pathein thawnginn sungah thawngtla nunau pakhat in May 1, 2022 ah fanu duhnung zet a nei. Ma Htet Htet le a pasal cu ralhrang pawlin PDF thawn nan pehtlaihaw tin nikum 2021 September 25 ah an kai ih Pathein thawnginn sungah an khum.
Thawnginn ṭuanvo neitu in, “An nupa in Pathein thawnginn sungah an khum. Naupai cingin an kai, tu’ah fanu te a nei zo ih an nufa in an harhdamnak khal a ṭha” a ti.
Ma Htet Htet cu pukmah 50 hmangin thubuai an orhter, a pasal Ko Soe Min Tun cu pukmah 52 le 50 pahnih hmangin thubuai an orhter.
Pathein thawnginn sungah ramkhelh ruangih an kaihmi thawngtla 300 zikte an um, mipa 270 le nunau 20 an um ih thubuai phunphun an orhter. Thawnginn sungah harsatnak phunphun an tong.
Leave a Reply