Thawngtla Mino Pakhat In An Innte A Ngai Tuk Ih Ca A Kuat, “In Seherh Hlah Uh Ka Sinpi Sokhaw” A Ti, Thawnginn Sungah An Sinpi Lo Zet Ti Cu Theihcia A Si Nan

February 1 ihsin June 1 tiangah ralkap pawlin Myanmar mipi 841 an that zo ih minung 5576 zat an kai tin zingzoitu AAPP in an ngankhum.

Thawngtla pawl cu ralkap in nasa zetin an hrem ṭheu ih ni 2/3 tla ti le rawl pe loin an umter tin tlawngtla suak pawlin an rel. Thawngtla tam sawn cu mino tete an si ih an nulepa ngai in thawngtla sungah caan an hmang.

Ziangtik ah an suak thei ding ti khal rel theih a si lo ih mipi in ralkap pawl neh zangzang seh ti cu an saduhthah tumpi a si. Myeik khua ih TU tlawngta pakhat cu ralkap pawlin an kai ih thawnginn sungah an khum.

An innte a ngai tuk ruangah ca a kuat. A cakuat cu midang dang kuat sawng vivo ih a nulepa hnenah a thleng thei.

A cakuat ahcun “Ka nu nan sinpi maw, ka pa teh a dam ṭha maw? Nan thinhar hlah uh, nan harhdamnak kilkhawi ṭha uhla. Kan innte ka ngai tuk ti lo cu ziangkim ah ka sinpi thluh. Ka mang ah ka lo hmu cingcing ruangah nan sinpi kem maw tin ka lo seherh tuk…” tin a ngan.

Be the first to comment

Leave a Reply

Your email address will not be published.


*