Thawngtla Pawl Lakah Covid-19 A Darh Ciamco, Insein Thawnginn Khal Lockdown An Phuang

Myanmar thawngtla pawl lakah Covid-19 natsia a darh ciamco thu theih a si. Zingzoitu AAPP in February 1 ihsin July 6 tiang ah ralkap pawlin minung 5094 zat an kai ih 894 zat an that tin an tarlang.

June 30 ah thawngtla 2296 zat an suah zalen nan tlawngtla cu an tam zet lai, Insein thawngtla 40 lenglo in Covid-19 an neih ruangah lockdowm thu an phuang.

July 8 ihsin ni 14 sung an lockdown ding, ni 14 sung cu thawngtla pawl vehvai an siang lo ding. Cun, thawngtla pawl thusutnak le court zung tivek khal an khar lawk ding.

Insein thawnginn cu thawngtla 5000 hrawng um theihnak hmun a si nan tu’ahcun thawngtla 10000 lenglo an um ruangah Covid-19 an kaiaw ciamco ding ti an phang.

Social Distancing khal tuah a theih lo lawlaw ih naiawten zan an it ṭheu. Myanmar ramsung thawnginn dang khalah thawngtla pawlin Covid-19 an kai celcel.

Taungoo Prison khalah thawngtla 100 lenglo in Covid-19 an nei. Taungoo Prison cu June 30 ihsin lockdown thu an rak phuang zo, Myaungmya Prison khalah Covid-19 in damlo an tam zet ruangah ni 14 sung an lockdown.

Be the first to comment

Leave a Reply

Your email address will not be published.


*