‘The Karate Kid’ Zuknung Cangtu Le 2022

June 11, 2010 kum ih an tlangthan mi ‘The Karate Kid’ zuknung cu an hlawhtling in an hminthang zet. Leitlun huap zuknung ṭhabik le nauhak lemcan thiam laksawng khal an ngah. The Karate Kid zuknung hi China ram ahcun The Kung Fu Dream tin an ko.

Zuknung thuanthu cu US, Michigan ih um nuhmei cu China khawpi Beijing ah hnaṭuan dingin a feh, a fapa kum 12 mi a hruaitel. A fapa cu an rak hmuhsuam tuk, a tlawngkainak khalah hmuhsuamnak a tong. An ram ih tlunsal a cak tuk, cutin a beidong laiah an inn kiangih um putar sualawk thiam tuk thawn an tongaw.

Cumi putar in mah le mah humhim awkdan a zirh ih amah hmuhsuamtu pawl lakah a humhim aw thei sal. Himi zuknung cu kum 12 a rei hnu khalah mipi in an zoh ning thei hrih lo, lemcantu pawl cu an rak upat zet zo. An thuhla tawi kan zohtlang hnik ding>>>

‘The Karate Kid’ lemcantu Jaden Smith cu kum 23 a kim zo, ‘The Karate Kid’ zuknung a cang laiah kum 11 mi a si. Hringtu a pa Will Smith khal leitlun huap ih lemcan thiam hminthang a si. Jaden Smith cu zuknung khawvel ah a cangvai tuk nawn lo ih hlasak lamah a cangvai, rap hla a sak ṭheu ih a hnipuan hruh khal a danglam thei zet.

‘The Karate Kid’ lemcangtunu Wenwen Han cu kum 26 a kim, himi zuknung a cang laiah cun kum 14 mi a si. Wenwen Han cu China lemcan thiam le lamthiam hminthang a si.

‘The Karate Kid’ zuknung ih misual nauhak Zhenwei Wang khal kum 26 a kim zo, himi zuknung a cang laiah cun kum 14 mi a si. China lemcan thiam a si ih kuatthiam ngaingai a si. Zuknung sung ahcun Zhenwei Wang le Jaden Smith hi an ral’aw zet nan a ngaingai ahcun rualpi ṭha tuk an si, lem an cang thluh hnu khalah an pehtlaih aw ringring lai.

Taraji P. Henson cu kum 51 a kim zo, himi zuknung a cang laiah cun kum 31 mi a si. Taraji P. Henson khal American actress le hlasak thiam a si. Jackie Chan cu kum 68 a kim zo, himi zuknung a cang laiah cun kum 55 mi a si.

Jackie Chan cu leitlun huap lemcan thiam hminthang a si, a taimaknak ruangah hlawhtlingnak a co. Lemcan lawng siloin hlasak khal a thiam. Jackie Chan hi 1982 kum ah Taiwan lemcan thiam hminthang Joan Lin thawn an neiaw ih fapa pakhat an nei, nupi nei cingin fala anei. A fala Etta Ng Chok Lam in January 18, 1999 kum ah fanu anei.

Jackie Chan in thlatinten a fala le a fanu hrangah 70,000 HK dollars a pe ṭheu. Himi ṭum ah an nupa karlak khalah buainak nasa zet a suak, Jackie Chan in media hnenah, “Ka cangsual ngai. Ka cansualnak cu leitlun mipa tam sawn in an tuah ve ko” a ti. Tu’ah a fala Etta Ng Chok khal pasal dang anei zo. Jackie Chan cu a nupi Joan Lin thawn an neiaw lai.

Be the first to comment

Leave a Reply

Your email address will not be published.


*