The Voice Cele News thuthang sungah “Thet Mon Myint tei nupa an ṭhenaw, mipa dang dung a thlun ruangah an ṭhenaw tin thuthang a suak. Thuthang suahnak source hrampi cu kan theifiang hrih lo” tin June 21, 2022 sun ah an tarlang.
Minung tamnak page a si vekin siartu khal an tam zet ih mipi lung an buaiter. Kum 39 mi Zung Cer Mawi (Thet Mon Myint) in a page dang fehtlang in simfiangnak anei cih “Thuthang dik lo a si. Ziangruangah thuthang dik lo an phuah ti ka thei lo” a ti hnuah thuthdang dik lo ngantu pawl cu report pe dingin an Facebook link thawn a tarlang.
Thuthang dik lo an tarlangnak khalah mi pakhat in, “Ka saya diktak a si. Thuthang dik lo an tar mi a si. An fale pawl thawn nuam zetin hringnun an hmang rero lai. Innsang buainak zianghman an nei lo” a ti.
Leave a Reply