Thih Hlanlo Nupi Nei Lo Ding Mipa Pawlkom An Din

Malaysia, Teluk Intan khua ah nupi neilo ding timi mipa pawlkom “Single Men’s Club” an din, mipum 50 hrawng an si zo. Kum 40 ihsin kum 79 karlak mi an si. Nupi neih cu thinbannak, sumpai cemnak a si tin nupi nei lo dingin thuthluknak felfai an tuah.

An pawlkom sungtel kum 63 mi Mr. Leong in nupi neih a duhlonak cu mopuai ah sumpai tampi cemliam a ṭul a ti. Mr. Leong in, “Kum 10 liamzo ahcun mopuai cemliam zet cu RM50k a si. Tu’ahcun RM300k hrawng a si, hnaṭuan pangai lawng ka nei. Ziangtin nupi ka nei thei ding?” a ti.

Kum 79 mi Mr. Lee in, “Veikhat laiah fala cu ka rak nei dah. Ka fala in neihawk a duh, a innsang pawlin moman ah RM25,000 in dil. Culai ah kei cu lo hnaṭuan men ka rak si ih moman hi ka pe thei lo. Cumi hnuah kan ṭhenaw, ka fala thuhla hi theihhngilh ka tum.

Ka rualpi pawl cu nupi an nei ih hringnun dangdang an tep vivo, an innsungsang ah harsatnak phunphun a thleng lai ka hmu. An innsang buainak cu theitawk in an remṭhat tum rero. Nupi pasal neih hnu ih harsatnak phunphun ka rak hmu zo ruangah nupi neih ka tum lo.

Mopuai ah sumpai tampi cemliam a ṭul, cumi hnuah innsungsang kilkhawi a ṭul. Inn le motor lei a ṭul. Nupi neih cu harsatnak hlir a si. Nupi nei lo cu duhduh tuah a theih, rualpi pawl thawn nuam zetin hringnun hmang a theih” a ti. Kawl ṭong khalah nupi pasal nei cu ‘innsang thawngtla’ an ti.

Be the first to comment

Leave a Reply

Your email address will not be published.


*