Thihdaan Orh Thawngtla 2 In Japan Cozah Cu Taza An Cuai

Japan ram ih thawngtla pahnih cu thihdaan orhter an si, Japan cozah in thihdaan a orhtermi pawl cu an thlai that ṭheu. An thih ding ni le caan hi an sim thei dah lo, an thih ding caan nazi pakhat duh lawngah theihter an si. Cumi hlan sung hmuahhmuah cu thi dingin timtuah awknak an neihter.

Curuangah thihdaan orh lai pahnih in “Minung covo siatsuahnak, minung puahcok awknak a si” tin an thih ding caan an sim lohlinak cu taza an cuai. An lawyer Yutaka Ueda in “Thihdaan orh thawngtla pawl cu zingtinten an ni netabik a si ding tin an thinphang ringring.

Ziangtik ni ah an that ding ti an theih lo ruangah thinphang in an um ringring. Cozahpi cun hremawknak ciikhat ah an ruat, an that hlanah an khuaruahnak an hrem ta. Leitlun ramdang pawl cun thihdaan an orhter mi pawl cu an taksa le an ruahnak pawl ṭhaten an zohsak ta thluh” a ti.

November 2, 2021 sun ah an cozah cu taza an cuai rupri, mipi khalin an tan zet. An hlawhtling kem maw ti cu theih a si hrih lo, an lawyer in zangnadamnak ah 22 million yen (£144,000) zat pe dingin a dilsak. Japan cozah in thawngtla 112 cu thihdan a orhter nan kum 2 sungah zohman an that lo.

Be the first to comment

Leave a Reply

Your email address will not be published.


*