“Thihnak Lo Cun In Ṭhen Hlah Seh”, Uico Le A Pu An Thi Tlang

US, Burnsville khawpi ih um pacang Daniel Hove cu ralkap pension a si ih Gunner timi uico a vulh. A uico thawn an umtlang ringring ih an duhdawt aw zet, Daniel cu cancer nat in a damlo ih ihkhun parah a it. A uico in a pu cu a tlansan thei lo ruangah a kiangah a it ve ringring.

Daniel in cancer nat cu kum 9 sung a sual ih ṭhalam a pan thei lo, a bese deuhdeuh. A uico khal arak upa ve vivo ih a harhdamnak a ṭha nawn lo, a ke a thling thluh ih amahten a vak thitha thei nawn lo. Ramsa sibawi hnenah an va fehpi ih sibawi in, “A natnak hi tuamhlawm dam a theih nawn lo. Hahdamten itter uh” arak ti.

Cutin a pu kiangah an itter hnuah uico cu a thi, uico a thih hnu nazi pakhat le hrek ah Daniel Hove khal a uico dung thlun in a thi. Daniel ih fanu in, “Ka pa le a uico cu rualpa ṭhabik an si. Ziangtik lai caan khalah an umtlang ringring. An vaksuak tlang ringring, a caan len an ti thiamaw lo.

Ka pa le Gunner in mual in liamsan cu poi kan ti tuk nan pakhat le pakhat fehsan aw loin an fehtlang ruangah kan tuardan khal a ziaum deuh. Nikhat sungah an thitlang mi hi laksawng pakhat vek a si, tuarna tu ding an um lo” a ti.

Be the first to comment

Leave a Reply

Your email address will not be published.


*