Thikthusia Ah A Nupi A Kap Hnuah Amah Le Mah A Kapaw

Thailand, Nakhon Ratchasima khua ih um pacang kum 51 mi Pratuan in thikthu siatnak ruangah meithal in a nupi a kap hnuah amah le mah a kapaw that. Lamzin kap ih thilzuar an si.

Vengsung mipi pawlin palik an ko, palik pawl an va thlen tikah cun Pratuan cu tokham parah toin arak thi zo, a nupi cu thihnai lakah a it ih a thi hrih lo nan a dinhmun cu a sia tuk.

A lu le a pum ah meithal kahnak hliamhma aum ih siizung ah an tuamhlawm rero lai, a nungdam suak ding le ding lo cu theih a si hrih lo. An sungkhat in, “A nupi hi a mawi zet. Pratuan cu a harhdamnak a ṭha nawn lo, thilzuar an si vekin a nupi in mi dangdang a bia ṭheu.

Mipa khal a bia ṭheu ih a pasal in arak thik thei tuk ruangah ṭongkam el’awknak an nei deuh ringring. Thilzuar thuhla ah mipa pakhat thawn video call in an bia’aw ih a pasal in a thik ruangah meithal in a kap” a ti.

Be the first to comment

Leave a Reply

Your email address will not be published.


*