Thil Pakhat Khat Pom Loin Na Itthat Thei Lo Asilen Siar Aw

Minung in mizia phunphun kan nei, ṭhenkhat cu zan an it tikah malte dai khal an duh lo lawlaw. Ṭhenkhat asilen midai loin an itthat thei lo thung, thil pakhat khat pom loin an itthat thei lo ruangah zan an it ding tinten thil pom ding an hawl ṭheu.

Thil pakhat khat pom loih itthat lo pawl an zingzoi tikah hitin an mizia pawl an hmusuak. Mahten umthiam lo pawl an si, hringnun ah kop nei lo ih um hi har an ti tuk.

Rualpi khal an ngaina hleice ih midang ti thinheng ding hi an phang thei tuk. An awkam a nem ih an zaidam, nupi pasal khal an nei awl cuang.

Thil pakhat khat pom lo ih itthat theilo pawl cu duhdawtnak khal an la na thei zet. Thil an tuar tikah midang aiin an la na cuang ih an tuar cuang nan midang theih ding an phang thei tuk ruangah a thupten an tuar ṭheu, duhdawtnak an neih tam ruangah innsang khalah mitangkai an si duh cuang tipawl an hmusuak.

Be the first to comment

Leave a Reply

Your email address will not be published.


*