“Thil Ziangkim Hrangah Caan A Um”: Timothy Sui Lian Mang

Timothy Sui Lian Mang: “Khristmas le kum thar hi kum 57 ka hmang thlang ih, 2021 Khrismas hi sizung ah khawruahhar nawn zetin kan hmang. 2022 kum thar khal Pathian lawng ah ruahsannak neiin kan um. Ka zirsuah mi cu: “Thil ziangkim hrangah cān a um,” ti hi a si.

Cān a um hrih lai asile, Khrismas ni ah cun sizung ih um anhai, vansanglam pawl hnenah cān hmang thlang sehla ti vek tla ka ruat. Sizung ah Khristmas ni ah thinhar zetih um, hnĕm le băwm ṭul an rak tam zet si si maw! Atu-ih riahsiah ih umpawl khal lungawi cān a um leh ding ti cu a hnuaiih Bible Pathian Kamsuakthu hin in simfiang a si:

Thusimtu 3:1-8, “Thil ziangkim hrangah cān a um, van rāng hnuaiih thuhla tinkim hrangah cān a um: Suah cān a um ih, thih cān a um; phun cān a um ih, phun cia phawi cān a um; thah cān a um ih, damter cān a um; ṭhiahbăl cān a um ih, sak cān a um; ṭah cān a um ih, hnih cān a um; lusûn cān a um ih, lām cān a um;

Lungtopawl hlăwn cān a um ih, lungtopawl sarkhawm cān a um; pawmawk cān a um ih, pawmawk el cān a um; hawl cān a um ih, hlohter cān a um; retṭhat cān a um ih, hlăwnhloh cān a um; thlek cān a um ih, ṭhit cān a um; daiteih um cān a um ih, ṭawng cān a um. Duhdawt cān a um ih, huat cān a um; doawk cān a um ih, remawk cān a um.”

Be the first to comment

Leave a Reply

Your email address will not be published.


*