Thinlung Buai Mino A Hlo, A Innsang In Phone Call An Dawng Ih Sumpai Ting 40 An Dil

Shan State, Lashio khua, ahmat (3) vengsung ih um tlangval kum 35 mi Sai Aung Nyunt Oo cu thinlung buai ṭheu a si. June 21 ah a hlo, zanlam ah zo ti theih lo pawlin a innsang pawl an phone ih ting 40 an dil.

A naupa in, “Ka upa hi a thinlung a buai ṭheu ih zan itnak kawr thawn a tlansuak. Namkyan ah pitar pakhat in arak hmu. Zanlam ah ka nu an phone ih ting 40 pe dingin an hringhro” a ti.

Sai Aung Nyunt Oo a hloh thu cu tualsung palik hnenah an sim thei nan an hawl hrih lo. Zo ti theih lo pawlin a nu cu an phone sal ih, “Palik pawl na rinsan tiaw, na fapa hi a thi zo. Kan that zo” an ti. A nu in, “A ruak hi khuiah aum, khuitawk ah kan la ding” tin a sut ih “A nungdam in nan hmu duh asilen ting 40 in tlensuak uh” an ti lala.

Sai Aung Nyunt Oo hi an that zo thu an sim thei nan a nungdam in nan hmu duh asilen ting 40 in ra tlensuak uh an ti. Tulai hi Lashio ramsung ah ritheihsii tham an tam zet, Rukru le suamhmang khal an tam.

Kan dung khalah nauhak pakhat an kaihrem ih a innsang hnenah sumpai an dil, sumpai va ret uh an tinak hmun ah sumpai tam zet an ret hnuah an fapa cu thicia in an hmu. Suamhmang pawlin hriamkai pawlkom hmin hmangin mipi hnenah sumpai an khong ṭheu.

Be the first to comment

Leave a Reply

Your email address will not be published.


*