Thinlung Mawi Misual Pawlkom In Ralkap Lamtang Khua Lal A Lu An Tan

Sagaing Division, Myaung Township, Thu Htay Gone khua ah ralkap in khua lal an tuanter mi cu Thinlung Mawi Misual Pawlkom (နှလုံးလှ လူမိုက်ကြီးများအဖွဲ့) in an that ih a lu an tan.

August 16 zanlam nazi 7:20 ah khua lal Aung Myint Sein cu an that, cun a umpi Pyu Saw Htee ih training kailai mino pakhat khal hliam nazet a tuar.

August 15 khalah Sagaing Division, Yinmarpin ramlak ah mithi ruak lubul an sar ih, neta ah mithi cu Aung Myo Thet a si ti an thei.

August 16 zinglam nazi 9:00 hrawngah Sagaing Division, Metta Myaing vengsung ih um dalan an timi Ko Aung Nay Myo cu zo ti theih loin an kap that. Ko Aung Nay Myo in siidawr anei ih minung 3 in sii lei ding vekin an um hnuah a dawr kil lai cu an kap that.

Be the first to comment

Leave a Reply

Your email address will not be published.


*