Thinzar Wint Kyaw An Kaih Hnuah A Innsang Pawl Khal An Hlo

Myanmar lemcan thiam le model hminthang Thinzar Wint Kyaw (kum 34) cu ralhrang pawlin an kai. Shan State, Kyethi Township, Wan Hai ramsung ah ava feh ih documentary zuknung a tuah.

Shan ramsung thangsonak ding hrangah documentary a tuah ih ramkhel thuhla zianghman aum lo tin SSPP in an phuang. July 3 sun ah SSPP/ SSA ralbawi Lieutenant Colonel Sai Su ih fanu ṭhitumnak puai ah an sawm ih hnipuan khal thlengaw man loin ava tel.

SSPP/ SSA ralkap kawr hruh in mopuai ah a tel ih a zuk cu online parah a lar ciamco. Tulai hi SSPP/ SSA le ralhrang pawl an kap aw rero laitak a si. Thinzar Wint Kyaw cu a tlunlam ah ralhrang pawlin an rak kai ih thu an sut rero lai. A tlunlam Wan Hai le Lashio lamzin karlak ah an rak kai.

SSPP / SSA ralbawi Lieutenant Sai Su in, “Thinzar Wint Kyaw cu a tlunlam ah ralhrang pawlin an rak kai. A khualtlawnnak hi ramkhel thuhla a si lo, documentary tuah ding men a si. A suah lohli theinak dingah hmai kan nor ding” tin media hnenah a sim thei.

Thinzar Wint Kyaw an kaih hnuah a innsang pawl khal zohman in an pehtlaih thei nawn lo, ralhrang in an rak kai ve maw, an tlanhlo ti cu theih a si lo. Phone khal an kai thei lo.

Be the first to comment

Leave a Reply

Your email address will not be published.


*