Thinzar Wint Kyaw In Covid-19 Thlisia Hrang Lakih A Caan Hmandan Pawl Mipi A Ruah

Covid-19 thlisia in Myanmar ramsung a nuai ciamco ih damlo le mithi an tam zet zo. Myanmar milar Thinzar Wint Kyaw in mipi pawl cu fimkhurten um dingin thu a cah ih amai caan hmandan pawl a sim thei.

Kum 33 mi Thinzar Wint Kyaw in “Stay home ahcun hand stand training (Kut in dingkhong) ka tuah ṭheu, tuvek caan ahcun zu, kuak le taksa hrangih thilṭha lo zaten ka tuah lo.

Harhdamnak hrang taksa cangvaihnak ka tuah ringring, siivai lam ahcun vitamin C tii lawng ka in. Vitamin dang cu siivai in ka ei lo, siivai aiin vitamin ummi thingtheirah, ngasa le sa pawl ka ei sawn.

Zing nazi 8:00 hlanah nitlang ah ka phoaw ṭheu. Thil thupi tuK, tuah lotheih lo mi thuhla aum lawngah leng ka suak. Innsung ah sakhua lam thil tampi ka tuah thei phah, meditation tuah in boruak thiang ka hip ṭheu.

Tuvek caan ahhin thazang kan neih theinak dingah kan it tam, kan ei tam a ṭul tuk. Thinharnak thuhla khal ruat tuk hlah uh, kan zaten Covid-19 natsia hi kan dosuak thei a si” tin a tarlang.

Be the first to comment

Leave a Reply

Your email address will not be published.


*