Thinzar Wint Kyaw Suahcam Ah Amah Duhdawttu In Thisen Hlunak In Laksawng A Pe

Thinzar Wint Kyaw cu Myanmar lemcan thiam le model hminthang zet a si, Myanmar ramsung lawng siloin Asian ramsung khalah a hminthang zet. A hmuihmel a mawi ih a ruangrai a ṭhah ruangah mipa lawng siloin nunau khalin an ngaina zet.

December 4, 1987 kum ih piang a si ih December 4, 2021 ahkhan kum 34 a kim, a suahcam ah mipi in laksawng ṭhaṭha an pe ciamco. Cumi lakah laksawng pakhat a dawngmi cu a danglam ih Thinzar Wint Kyaw khalin “Man le mual ih lei theih lo mi laksawng” tin a tarlang.

Thinzar Wint Kyaw suahcam ah amah duhdawt zettu fala pakhat cu siizung ah ava feh ih Thinzar Wint Kyaw suahcam laksawng hrangah tin a thisen a hlu.

A hmin cu Poe Thinzar a si ih, “Ka duhdawtmi Happy Birthday. Tuisun hi ka siangpahrang nu Thinzar Wint Kyaw ih suahcam a si ih a ṭulnak ih an hmang dingah ka thisen ka hlu.

Ka thisen rak dawngtu damlo khal a ziaum zo ti ka thei ih ka lungawi tuk. Ka unu (Thinzar Wint Kyaw) khal a diriam zet ding ti ka zum, ka lo duhdawt tuk. Ka veihnih thisen hlunak a si thlang” tin a tarlang.

Be the first to comment

Leave a Reply

Your email address will not be published.


*