Thipcang Khuami Kaptu CNA Ralbawi Cu Ralkap Daan Le Dun Vekin Hremnak An Pe Ding

October 3, 2021 zinglam nazi 8:30AM hrawngah Falam peng, Thipcang khuami Pi Ca Tial cu CNA ralbawi pakhat in a kut ah meithal in a kap ngah ruangah ralkap daan le dun vekin hremnak pe dingin an ko ih Pi Ca Tial hnen khalah kan dil ding tin CNA thuphuangtu Salai Htet Ni in The Hakha Times hnenah a sim.

Pi Ca Tial cu an zaute ah thil a sawp rero lai cu CNA ralbawi pa in a kut kehlam ah a kap ih a hnor ngah. An tipung pahnih a kap parh thluh tin thilumdan theitu pakhat in a rel.

October 2 khalah CNA ralbawi cu zu a ri tuk ih a kuthnuai naule pawl cu a vel ciamco ti a si. CNA thuphuangtu Salai Htet Ni in “Sual tuahtu cu kan kai zo ih hremnak pe dingin kan hngak lai.

Ralkap in thlun ding mi daan le dun (Army Law) kan neih vekin action kan la hngal ding, Kan Pi khal a cang thei tawkin kan dil ding” a ti. (#The Hakha Times)

Be the first to comment

Leave a Reply

Your email address will not be published.


*