Thisen Fawrkhat Khal Fawr Loin Mindat Pasalṭha Pawlin Ralkap Sakhan An La

Chinram, Mindat peng, Magwe-Ingnu khua ih um ralkap sakhan cu Mindat pasalṭha (CDF) pawlin July 24, 2021 ah an va sim. Himi sakhan sungah ralkap le palik komaw in umhmun an khuar ih sakhan ralbawi telin ralkap 20 hrawng an um.

Sakhan ih um ralkap lakah ralkap uknak duhlotu khal an um, Mindat-CDF pawlin “Nan ralthuam pawl nan thlak lo asilen kan lo kap ding” an ti hnuah ralkap pawlin an ralthuam cu an thlak ih mipi lamah an ap’aw thluh.

Mindat-CDF ih um, CDM tuah ralbawi in “Magwe-Ingnu ralkap sakhan cu mipi kilhimtu pawl an la, thisen fawrkhat khal fawr loin an la, an sakhan hotu ralbawi khal a apaw. An dinhmun cu a ṭha thluh, ṭhaten kan kil ringring” a ti.

An ralthuam MA-1, MA-3, pistol, meithal zun 20 le an cerek mu pawl an laksak hnuah an sakhan cu an urkang.

Be the first to comment

Leave a Reply

Your email address will not be published.


*