Tanintharyi, Dawei bazar ah pitar kum 60 mi Daw Nyunt Hlaing in ngaro a zuar ṭheu. May 24 zinglam ah mipa pahnih cu bike thawn an phuraw ih pitar thilzuar lai cu a dunglam ihsin a hngawng ah an kap, a thilzuarnak hmun ah a thi cih.
Thisen In pawlkom cu ralhrang kuthnuai ih cangvaitu an si. Tualsung mi pakhat in, “Pitar hi daiten um men mi a si, ramkhelh thuhla khal a theithiam lo. Daiten um men mi cu a dunglam ihsin an kap that.
Thisen In pawlkom pawl hi an nun a rawng tuk. An duh asilen PDF pawl hawl ding an si, sualnak neilo pitar rori an that” a ti. Daw Nyunt Hlaing ih fapa Ko Aung Khaing cu tualsung mipi ralkap PDF ah a lut.
Meithal puak awn an theih veten bazar kai pawlin an dawr pawl an khar ih an tlung thluh. Nazi hrek hnuah ralkap le palik pawl an va thleng ih mithi ruak cu damlo motor thawn siizung ah an phur, ralkap le palik pawlin bazar kiangkap hrawngah reilote zingzoinak an tuah ih an tlansal.
Leave a Reply