Thla 4 Hnuah Phyu Phyu Kyaw Thein In A Relhnak Hmun Ih A Umdan A Relsuak

Kum 40 mi fala Phyu Phyu Kyaw Thein cu Myanmar ramsung hlasakthiam hminthang a si, ramdang khalah hlasak dingin a tlawng ṭheu, amah hi Christian mifel zet a si.

Myanmar Idol zuamawknak khalah Judge arak ṭuan rero zo, Myanmar ramsung buainak ah mipi lamtang a si ih a facebook cahmai khalah mipi pawl thazang peknak arak ngan ṭheu.

Ralkap pawlin kai dingin pukmah 505 an orhter, curuangah hmunhimnak ah a tlan ih a relh. Thla 4 sung cu a thuhla theih a si nawn lo.

August 7 ah Phyu Phyu Kyaw Thein in “Pathian cu ka tukhaltu a si. Ka aw hi a ring in a tum tuk ruangah theihthiam a awl tuk. Ka relhnak hmun ah hlasak cu rel loin ringpin khal ka ṭongsuak ngam lo.

Hlasak ka cak tuk asilen ruahsur ding caan ka hngak ṭheu, ruahsur le tek tlak lai lawngah ringpin hla ka sak ngam. Ruahsur awn cu humhim awknak ah ka hmang, kiangkap um pawlin keimah ti an rak theih pang ahcun in hek ding ti ka phang ruangah a si.

505 orh in hmunthing zet ah thla 4 sung ka khumaw zo. Tuini tiang ka nungdam le ka harhdamnak khal a ṭhat ruangah Pathian cu ka thangṭhah a si. Keimah vek ih tlan, relh pawl khal nan umnak cio ah nan him theinak dingah thlaza ka lo camsak ringring. Ka u le ka nau pawl nan umnak cio ah rak damṭha hram uh” tin a Instagram parah a tarlang.

Be the first to comment

Leave a Reply

Your email address will not be published.


*